logo
منتدى الفئة السابعة


:: الملاحظات ::
إضافة رد
المواضيع المتشابهه
الموضوع

الصورة الرمزية olds2001
Bimmer متميز
رقم العضوية: 15553
تاريخ التسجيل: Aug 2010
المشاركات: 190
قوة السمعة: 27
olds2001 is on a distinguished road
افتراضي رد: تجربة قيادة 750
21#
12-11-2010, 12:47 AM
اخواني من خلال تجربة طبعا كلامي كله للاشخاص العاقلين يعني الي يمشي بركادة موب الي الحمد لله والشكر شوي يطلع فوق الخط من السرعه

يااخواني حجم السيارة وعدد السرندلات غير مهم ابدا في رئي الشخصي بمعنى انا عندي 730 لارج 2006 ماشاء الله تبارك الرحمن الي يقول خرابات اقوله انت كذاااااااب وطبيعي عزم 8 سرندل اقوى من 6 سرندل هذا شي طبيعي انا كان معي لكزس 430 2006 8 سرندل والحين الحمد لله معاي بي ام دبليو 6 سرندل والله العظيم اني ماحسيت بفرق لاني الحمد لله رجال سواقتي راكدة ياخي المواتر هذي الفخمه عشان تعيش معك لازم تحافظ عليها موب كل شوي مدعس عليها وكل شوي حارق القير تدوس وتهدي ترجيعت النمر حقت القير ترى مو هينه والبي ام قيره حساس لانه اكتروني بحت ويبيله سلاسه وسواقة ركادة وغير كذا من زين شوارعنا عاد حفر ومطبات وساهر وزحمه

خلاصة الموضوع لاتوجد سيارة بدون صوت للهواء الخارجي في السرعات العالية من خلال تجربتي في اكثر من سيارة ( لكزس + مرسيدس + انفنتي ) برائي الشخصي صوت الهوى الخفيف عادي اما صوت هواء العالي لا والف لا وهذا الشي غير موجود في البي ام دبليو الا في حالتين (1 القزاز الامامي مغير الى قزاز تجاري فصوت الهواء فيه طبيعي جدا ومن ابسط حقوقه اذا هو تجاري 2 الجلد الي على حواف الباب اذا هي طايحه او مقطوعه طبيعي تسمع صوت الهواء )

صارت معي سالفة مع واحد من خوياي معه 430 راح ابو الشباب يبي يظلل مر على الغرابي جلسو يظللون له جاء واحد من اليمنيه اشغل خوينا عندي ربلات تمنع الصوت للسيارة قاله خوينا لا مابيها موتري جديد توه وكالة قاله هذي مالها ضرر تخفف لك الصوت زيادة قال ياخوي مابي قاله انت جرب وكلها 20 ريال قال خوينا ياخوي ركب وفارق عني اشغلتني ترى ركبها اليمني على موتره وحاسبه وراح خوينا راح صار اذا سكر الباب حقه مايتسكر زين صار يسكره بقوة وخوينا شخص عجاز مايتكلم يخلي الامور تمشي عادي لين بعد فترة الباب معاد ينشفط صار لازم تردعه بقوة عشان يتسكر راح خوينا للوكالة قاله الشفط خربان قاله كيف خربان تو الموتر جديد وكالة قالو له صح الموتر جديد بس انت مركب شي على الباب وهذا الشي خرب شفط الباب خوينا صلح الشفط بجهاز جديد بهذاك المبلغ وقام فك الربلات ذي من الابواب الخلفية والحمد لله بقيت الابواب سليمه لانها مانفتحت وتسكرت كثير

اسف اني اطلت عليكم لكن لاتصدق كل مايقال فعليك بالتجربه انا شخصيا سمعت عن البي ام قبل لاشتريها شي يهول لكن بعد ماشريتها طلع كله كذب في كذب والتجربه خير برهان

والسلام عليكم ورحمة الله وبركاته .....
olds2001 غير متواجد حالياً  
رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:40 AM.



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26