logo
المنتدى العام المواضيع العامه التي ليس لها مجال في الأقسام الأخرى

:: الملاحظات ::
إضافة رد
الصورة الرمزية روعة حلم
Bimmer ذهبي
رقم العضوية: 15205
تاريخ التسجيل: Jul 2010
المشاركات: 769
قوة السمعة: 84
روعة حلم will become famous soon enough
افتراضي رد: برنامج تكافل الاهلي لسرقة المسلمين(مهم وخطير)
21#
01-09-2010, 06:01 AM
وعليكم السلام ورحمة الله وبركاته

مانقول الا حسبي الله عليهم اكلو حقوق العالم ولو تطوف عليهم شهر واحد لعبو براتبك وتروح اقساط متاخره ورسوم تاخير ويصفالك 100 ولا200 والله ليت رواتبنا مثل اول شيكات و لا مناوله من حولنا ع البنوك قلت البركه من الربا اللي يتعاملون فيه برواتبنا الله يعين بس والحمدلله اني انهيت جميع التزاماتي من البنك ولا افكر اني اتعامل معهم الا بالسحب ويعوض علي الاخوان اللي راحت حقوقهم بيد النصابين وموفقين خير
روعة حلم غير متواجد حالياً  
رد مع اقتباس
Bimmer جديد
رقم العضوية: 25758
تاريخ التسجيل: Jan 2012
المشاركات: 3
قوة السمعة: 0
الحربي تركي is on a distinguished road
Kh13 رد: برنامج تكافل الاهلي لسرقة المسلمين(مهم وخطير)
22#
24-01-2012, 06:14 PM
سلام عليكم انا اخوكم تركي الحربي
انا صرتلي نفس المشكله اشتركت في مبلغ 300ريال في الشهر ورحت للموظف وقلتله انا بسحب قالي اذا بتسحب سوف نخصم رسوم العقد 590واذا استمريت في البرنامج اكثر من سنه تقدر تسحب ولا ناخذ منك شي
استمريت سنه واربعه اشهر بملغ 4800والان رحت عشان الغي العقد قالي سوف نخصم منك قيمه العقد ونخصم التبرعات وجلسنا انا وهو في جادل طويل ورحت لمدير البنك وقال هذا شركه تكافل غير البنك الاهلي لاكن انا احاول اساعدك
والان رجعلي المبلغ 3245.83والله حرام بغير حق شالوها ومكان هذا كلامهم من البدايه بس الحين انا وش اسوي اقدم شكوه ولا وين اروح ارجو الرد في اقرب وقت ارجوكم وشكرا
والبنك هو في جده في شارع الستين بجوار شارع الامير سلطان بن سلمان
الحربي تركي غير متواجد حالياً  
رد مع اقتباس
Bimmer جديد
رقم العضوية: 25758
تاريخ التسجيل: Jan 2012
المشاركات: 3
قوة السمعة: 0
الحربي تركي is on a distinguished road
افتراضي رد: برنامج تكافل الاهلي لسرقة المسلمين(مهم وخطير)
23#
25-01-2012, 05:27 PM
طيب لو قدمت شكوه على ديوان المظالم على طول ينفع ولا لا
الحربي تركي غير متواجد حالياً  
رد مع اقتباس
Bimmer جديد
رقم العضوية: 25758
تاريخ التسجيل: Jan 2012
المشاركات: 3
قوة السمعة: 0
الحربي تركي is on a distinguished road
Kh1 رد: برنامج تكافل الاهلي لسرقة المسلمين(مهم وخطير)
24#
05-02-2012, 07:08 PM
اقتباس:
المشاركة الأصلية كتبت بواسطة الحربي تركي مشاهدة المشاركة
طيب لو قدمت شكوه على ديوان المظالم على طول ينفع ولا لا
والله مدري !!!
انا اخاف اتعب ويروح تعبي على الفاضي .
وبعدين البنك وقع معي عقد
والعقد مكتوب فيه كل شي بس غبر مفهوم مره جاتيه اكثر من مره قلتله انا ماعرفت شي من العقد قالي ماعليك من العقد
والحين لما جيت الغي قالي انت موقع على العقد وعلى الكلام هذا كله ومكتوبعندك الخصم وانا انصدمت وقتها
الحربي تركي غير متواجد حالياً  
رد مع اقتباس
Bimmer جديد
رقم العضوية: 30602
تاريخ التسجيل: Feb 2013
المشاركات: 4
قوة السمعة: 0
raoi1 is on a distinguished road
افتراضي رد: برنامج تكافل الاهلي لسرقة المسلمين(مهم وخطير)
25#
23-02-2013, 03:55 PM
تركي لحست مخي باقتباسك وردك !!
المهم ياجماعه انا كنت اعاني هالمشكله البنك يسحب 300 ريال
واول ماينزل الراتب اسحب المبلغ كله عشان لاياخذون 300
وهالشهر صارو يسحبون 300 مباشره بعد نزول الراتب
العقد لمدة 7 سنوات ، صار على العقد تقريباً سنه وشوي وقبل شهرين قررت اروح للبنك اللي على شارع المعذر في الرياض
دخلت على الموظف وقلت له ابي اعرف كم جمعتو لي في برنامج الادخار والتكافل
قال مدري قلت كيف ماتدري
قال مايطلع شي بالكمبيوتر
قلت ابي الغي العقد مابيه
قال روح للموظف اللي انت سويت عنده العقد
قلت ماعرف الموظف اللي سويت عنده العقد انا نسيت
قلت ابي الغيه وشلون ؟ قال ماتقدر ومقدر افيدك
المهم عصبت وقلت وين المدير ؟؟
وكأنه خاف ثم قال تحصله بالاسفل الدور الارضي
المهم وانزل للدور الارضي والقى مديرهم وبجانبه ثنين
قلت لو سمحت المهم صرفهم قال روحو
قلت انت المدير ؟ قال ايه نعم
قلت ابي الغي العقد والموظف اللي اسمه فلان يقول ماتقدر ومقدر افيدك !!
كأن المدير تغير وجهه وهو ياخذ التلفون قال فلان؟
قلت ايه
وهو يتصل قال بيجيك واحد عطه نموذج الغاء العقد حق برنامج التكافل والادخار
المهم ماخلاني اروح سوا فيني غسيل مخ بعد ماكنت صامل
الله اعلم انه اذا كان هالمدير كذاب
وهو كبير فالسن ويكلمني بوجه حزين وذي الادخار تفيدك
لو حصل لك شي بيوم من الايام واحتجت مبلغ تقدر تاخذ المبلغ
اذا انت مو في حاجت 300 لاتلغي العقد
وبتستفيد منها بعد 7 سنوات
ومواعظ ونصايح الوكاد انه غسل مخي
قلت زين يعطيك العافيه
وطلعت ،
وبكره ناوي امرهم لازم الغي العقد وارتاح
raoi1 غير متواجد حالياً  
رد مع اقتباس
Bimmer نشيط
رقم العضوية: 30518
تاريخ التسجيل: Feb 2013
الدولة: بين اوتار عودي
المشاركات: 27
قوة السمعة: 0
FIGO is on a distinguished road
افتراضي رد: برنامج تكافل الاهلي لسرقة المسلمين(مهم وخطير)
26#
23-02-2013, 04:59 PM
السلام عليكم

عوضك الله واثابك علي حسن نيتك

بالنسبة لي حدث ماهو اشد وطأهـ

مع بنك الراجحي ....

لمدة اربع اشهر يسحب مني مبلغ 4000 ريال +200 ريال قيمة

مبلغ القرض ...حيث قضيتها بين بنك لآخر وكل بنك يقذفني الى شركة
أخرى وهمية ...فقد ضاقت بي الدنيا
وأخر ماقاله لي البنك ان المبلغ يذهب الى جهة غير معلومة

وقد ذهبت اخيراً الى مؤسسة النقد وقدمت لهم معروضاً

وبعد اسبوعين او ربما اكثر عاد الى المبلغ كاملاً


أن كانت لديك شكوى قدمها للمؤسسة النقد ...فهي جهة مختصة لمراقبة البنوك


ا
كـل حـزني في صدى صوتك يضيعـ

.................................................. ...لاسمعتهـ تبتسمـ لي دنيتي
FIGO غير متواجد حالياً  
رد مع اقتباس
Bimmer جديد
رقم العضوية: 30602
تاريخ التسجيل: Feb 2013
المشاركات: 4
قوة السمعة: 0
raoi1 is on a distinguished road
افتراضي رد: برنامج تكافل الاهلي لسرقة المسلمين(مهم وخطير)
27#
23-02-2013, 05:09 PM
الله يجزاك خير اخوي

ان شاء الله بكره اشوف الحل معهم
وان شاء الله اوافيكم بكره باللي صار معي في طلب الغاء العقد
فقرونا حسبي الله عليهم
raoi1 غير متواجد حالياً  
رد مع اقتباس
Bimmer متميز جداً
رقم العضوية: 12094
تاريخ التسجيل: Sep 2009
الدولة: البحرين
المشاركات: 253
قوة السمعة: 34
BMW Tech is on a distinguished road
افتراضي رد: برنامج تكافل الاهلي لسرقة المسلمين(مهم وخطير)
28#
23-02-2013, 09:42 PM
جزاك الله خير اخوي bmer وجعل ذلك في ميزان حسناتك , وانا شاكر لك كثير على تنبية اخوانك المسلمين على ذلك .
BMW Tech غير متواجد حالياً  
رد مع اقتباس
Bimmer جديد
رقم العضوية: 30602
تاريخ التسجيل: Feb 2013
المشاركات: 4
قوة السمعة: 0
raoi1 is on a distinguished road
افتراضي رد: برنامج تكافل الاهلي لسرقة المسلمين(مهم وخطير)
29#
24-02-2013, 02:23 PM
باك مثل ماوعدتكم بالامس
رحت للبنك اليوم الصراحه ليلة الباحه وانا ناوي للروحه احس بقلق كبير
قلت حسبي الله عليهم المهم عزمت على الروحه بشكل جدي
وفي الصباح الساعة 9 صحيت من النوم وحسيت بخيبة امل ماودي اروح
واقوم بسم الله ولما وصلت لهم وكنت متوجه للمدير لاني غاسل يدي من الموظفين
وابي اسال المدير عن الالغاء
المهم لما دخلت وانا في طريقي لمكتب المدير قابلني الموظف وبسلوب راقي جدا اي خدمة اخوي وش اقدر اساعدك
قلت ابد ابي المدير قال امر وش تبي اخدمك
قلت ابي المدير
قال وش موضوعك قلت انا ابي الغاي العقد قال بسيطه روح للدور الاول عند الموظفين
قلت لا ذاك اليوم رحت وقال الموظف مانقدر نلغي العقد
قال لا لا مب صحيح انت روح لفلان بن فلان يعطيك نموذج قلت زين
وانا كاره للموظفين لانهم معتادين على الكذب والخداع حسبي الله عليهم
اخذت رقم ولما صل سراي قال الموظف امر
قلت ابي الغي العقد قال طيب وليش بتلغيه قلت بس كذا
قال طيب هات الهويه واعطيه اياه
ثم قال علشان نلغي العقد جيب رقم اشتراكك
قلتمامعي
قال ضيعت ورقة العقد
قلت مامعي ومدري وينه ورقة العقد
قال لازم الرقم الموجود فيه علشان نرفق الرقم بالنموذج ونرفعه لهم
قلت والله مدري وش الرقم
انت شف الكمبيوتر ذا
ضحك وقال مايطلع هينا شي
قلت طيب وش اسوي
قال اتصل على الهاتف الصرفي وخذ منه رقم اشتراكك في برنامج التكافل
قلت زين وطلعت ورحت مشوار عشان اشحن ياليل المشوار
واشحن الجوال واتصل على الهاتف المصرفي
واعوذ بالله رد لي صوت ناعم
ماني مصدق قلت الو
قالت فلان
قلت ايه نعم وكلام معسول ايه خدمة
قلت ابي رقم العقد حق برنامج التكافل المهم بختصار الحديث عطتني رقم تلفون برنامج الاهلي للتكافل والادخار 920011282 هذا هو علشان تستفيدون منه
المهم واتصل على الرقم واعوذ بالله وترد علي صوت ناعم
اعوذ بالله صارو يحطون موظفين الاستقبال موظفات حريم
علشان اسلوبها وكلامها يخلي الرجال يميع عندها ههههه استغفر الله
المهم قالت امر اخوي
قلت ابد سلامتك ابي رقم اشتراكي في عقد برنامج التكافل
قال ليش قلت ابي الغيه مابيه
قالت ممكن توضح السبب قلت علشان امر با ازمه ماديه صعبه وابي الغيه لكن بعد ماتتحسن ظروفي اعاود بالاشتراك
وانا كذبت بهالكلمه والله ما ارجع للاشتراك ابد
قالت جميل جدا ومايحتاج رقم اشراكك الالغاء مايطلب ذلك
قلت هذا كلام الموظف وانا الان بالبنك والوظف يقول لازم الرقم علشان نلغي العقد
قالت عطنيه قلت دقيقه
واركض للموظف قلت موظفة برنامج التكافل تبيك وهو ياخذ الجوال ويقرقر معها واسمعه يقول اها زين اوك
ثم طلب مني انتظر دقايق
وانتظرت ثم ناداني ووراني النموذج وقال وقع وخلاص انت تراجع معاملتك الالغاء بهالتف المصرفي ويودعون رصيدك في الحساب بعد 15 يوم قلت زين بارك الله فيك
وطلعت وانا مبسوط ومرتاح جدا
بعد ساعة تجاوزت الزحمه ووصلت البيت والا الجوال يدق رقم تلفون مميز جدا الو
قال فلان ايه نعم قال معك البنك الاهلي
قلت سم قال اخوي اسف على الازعاج النموذج اللي قدمناه قديم فضلا تراجعنا لاننا اكتشفنا فيه نموذج جديد والقديم مايمشي فضلا راجعنا الان عشان توقع
قلت زين بكره اجيكم اليوم مايمديني قال حياك في اي وقت
وبكره ابمره الله ييسر الامور على خييير
raoi1 غير متواجد حالياً  
رد مع اقتباس
Bimmer جديد
رقم العضوية: 30602
تاريخ التسجيل: Feb 2013
المشاركات: 4
قوة السمعة: 0
raoi1 is on a distinguished road
افتراضي رد: برنامج تكافل الاهلي لسرقة المسلمين(مهم وخطير)
30#
12-03-2013, 12:46 AM
تم بحمد الله
بعد ماوقعت بالغاء العقد عطوني موعد بعد 15 يوم استلم المبلغ
والحمدلله اليوم الخامس عشر اودعوا المبلغ بحسابي
والشكر لله
اللهم لك الحمد

ارررتحت
raoi1 غير متواجد حالياً  
رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:22 PM.



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26