logo
منتدى الفئة السابعة


:: الملاحظات ::
إضافة رد
المواضيع المتشابهه
الموضوع

arthes
Bimmer نشيط
رقم العضوية: 11638
تاريخ التسجيل: Sep 2009
المشاركات: 36
الدولة: الكويت
قوة السمعة: 0
arthes is on a distinguished road
07-09-2009, 03:39 AM
  #1
arthes غير متواجد حالياً  
افتراضي وراك وراك يا كيفي كويتي

:: اعلان ::

السلام عليكم يا شباب المنتدى .. طبعا انا جديد بالموقع معاكم وانشالله تقبلوني كعضو مبتدى يتعلم منكم ..
قصتي مع السيارة انه كان عندي رنج 2004 وبعد ماخلصت الكفاله قلت ماكو الا اروح اثمنه على الجديد اللي بينزل هالسنة وكانو مغيرين المقصورة ومزودينها فخامه ( فخامه مين ) .. على العموم وديت السياره وثمنوها تثمين طيب وقلت خلاص انتظر لنهاية الشهر على ما يوصل الموتر ..
ولد عمي من مدمنين البي ام بشكل خيالي واصر علي اني اجرب الفئة السابعه .. وبصراحه ماكنت مفكر بالموتر هذا من قبل مادري ليش .. وعندنا بالكويت الوكاله وحده للرنج والبي ام يعني بنفس المكان فقلت خل اجرب البي ام تست درايف .. والله ياجماعه من ركبت السيارة وصكيت الباب وشفت السكون اللي داخل وتكنلوجيا القرن المليون قلت خلاص هذا موتري .. والله وخذينا جوله فيه الا ابرة التخدير قالت كلمتها وتم الموضوع ..
الشي المضحك انه مدير مبيعات الرنج يوم شافني راكب البي ام في التست درايف قاللي على طول هاا نكنسل موضوع الرنج
وطبعا هذا اللي صار .. وخذيتلي واحد اخو موتر كيفي كويتي واليوم سلمتهم المبلغ .. وانشالله الثلاثاء الاستلام ... بس كنت مفكر بنفس الوقت بموضوع ال 750 وكنت اسأل كيفي كويتي عنه .. صحيح اهو في فرق بالسعر شوي لكن هل يسوى اني ازيد كل المبلغ هذا وهل الفرق كبير بشكل واضح من اداء السيارة .. وخاصة انه بس لون واحد متوفر اللي هو الرمادي الداكن من داخل تان ..
انا مو متردد بصراحه لاني كنت اسوق جيب من قبل فعزم ال 740 بصراحه كان شي خيالي .. طبعا اهو في مجال اني ازيد المبلغ اللي عندهم وارسم على ال 750 ولكني متردد لأنه لون ال 740 اشوفه احلي space grey ..
ادري اني كثرت الكلام والكتابة ولكن حبيت انكم تشاركوني تجربتي الاولى مع البي ام
والحمدالله على كل حال ....
وهذا لون الموتر انشالله




التعديل الأخير تم بواسطة arthes ; 07-09-2009 الساعة 04:02 AM
رد مع اقتباس
Bimmer ذهبي
رقم العضوية: 3972
تاريخ التسجيل: Jul 2008
المشاركات: 893
قوة السمعة: 101
REDLION has a spectacular aura aboutREDLION has a spectacular aura aboutREDLION has a spectacular aura about
افتراضي
2#
07-09-2009, 05:58 AM
الله يبارك لك فيها ويحفظها لك

بالنسبة لتسارع 740li من 0 - 100 خلال ( 6 ثواني )

هو نفس تسارع الآودي a8 الي تجي ( 8 سلندر ) وهذا على قوة المحرك

وانا انصحك لا تاخذ ال ( 750 ) لان الفرق في السعر جدا مرتفع

والله يبارك لك فيها
REDLION غير متواجد حالياً  
رد مع اقتباس
Bimmer نشيط
رقم العضوية: 11638
تاريخ التسجيل: Sep 2009
الدولة: الكويت
المشاركات: 36
قوة السمعة: 0
arthes is on a distinguished road
افتراضي
3#
07-09-2009, 06:02 AM
تسلم على ردك redlion .. انا مثل ماقلت لكم جديد في موضوع الالماني .. فياريت توسعون صدركم لي .. اللي اقصده من السته سلندر مو موضوع التسارع ماشالله السيارة تطير على حسب تجربتي بس ماجربتها بالخط .. الراحه وصوت المكينة .. وعلى فكرة انا من النوع اللي مايطوف ال 160 كسرعه في الخط .. بس ال 160 مثلا بال 740 الموتر يكون مرتاح ..
اتمنى انك فهمت قصدي


الحمدالله على كل حال
arthes غير متواجد حالياً  
رد مع اقتباس
Bimmer متميز
رقم العضوية: 1200
تاريخ التسجيل: Mar 2008
المشاركات: 155
قوة السمعة: 25
كيفي كويتي is on a distinguished road
افتراضي
4#
07-09-2009, 09:37 AM
مركب العافية انشالله زين سويت لاني اشوف البي أم أفخم بوااااايد عن الرنج لو انشالله ينزلون رنج فضااائي مو سبورت بعد والـ750 الرمادية انحجزت الله يهني صاحبها .. بس انت خذيت السيارة المعروضة ؟ لانه ماكو الا سيارتي والسيارة الثانية المعروضة بهاللون اعتقد عندهم كحلية بعد وبس الباجي 750 و 730 هذا على حسب كلام البياع مادري يشلخ علينا شكله يبينا نشتري باسرع وقت ههههه ما يووزوون عن النصب هالزلمات الله ياخذهم

انا كان المفروض استلمها وياك الثلاثا بس دام تأخرنا بالدفع اعتقد مو قبل الاربعا دفعنا امس نص المبلغ والباجي ما قدرنا ندفعه لانه كرتي ما يسحب الا 10 آلاف باليوم رحنا البنك قلنا بنسحب الباجي صكرو ما امدانا

على فكرة ديربالك من الحجي اللي بالكاشير قلتله بدفع 2000 سحبلي دينارين وسجلهم بالفاتورة على انهم 2000 لو ساكت عنه أحسن ههههههههه بس فقير مو وقته نقطع رزقه عاد قلتله لا تخاف سرك ببييير وما بقى احد ما قلتله عنه دايماً جيك الفاتورة اللي يطبعها لك ترى الصيام لاعب فيه لعب ههههه

أهم شي احرص على التأمين الشامل هذا أهم من كل شي على الاقل تمشي بالشارع وانت مرتاح ما تقعد توسوس الله يبعد الشر

التعديل الأخير تم بواسطة كيفي كويتي ; 07-09-2009 الساعة 10:25 AM
كيفي كويتي غير متواجد حالياً  
رد مع اقتباس
الصورة الرمزية Speed_Hunter
Bimmer متميز جداً
رقم العضوية: 5133
تاريخ التسجيل: Sep 2008
المشاركات: 471
قوة السمعة: 63
Speed_Hunter is a name known to allSpeed_Hunter is a name known to allSpeed_Hunter is a name known to allSpeed_Hunter is a name known to allSpeed_Hunter is a name known to allSpeed_Hunter is a name known to all
افتراضي
5#
07-09-2009, 12:21 PM
مبرووك عليكم ....
وإن شاء الله يبعد الشر والعين عن المواتر ....
وإدعولي أكون وراكم إن شاء الله..
ما شاء الله ...>علشان لا تقول ضربتها عين هههههه<
Speed_Hunter غير متواجد حالياً  
رد مع اقتباس
Bimmer نشيط
رقم العضوية: 11638
تاريخ التسجيل: Sep 2009
الدولة: الكويت
المشاركات: 36
قوة السمعة: 0
arthes is on a distinguished road
افتراضي
6#
07-09-2009, 03:43 PM
كيفي كويتي : الله يبارك فيك .. بالنسبه للسياره يابولي وحده غير المعروضه والبياع نشبت فيه وسجلت رقم شاصي المعروضه عشان لا يعطيني اياها .. وبالنسبه للمواصفات اللي فيها من مواصفات انشااله كافيه انا من النوع القنوع قايلك يايهم من جيب فعادي الوضع وكلامك صحيح يعني علي الاقل حطو مواصفات .. ال ٧٥٠ ياخوك ماانحجز لي امس ومثل ما قلتلك ترددت عليه ورحت شفته بالكاراج بس والله الظاهر بتوكل انشااله علي ال ٧٤٠ .. وسالفه الدفع انا نفس حالتك بس وحياتك داش الوكاله وياي جنطه لابتوب حاط فيها نص المبلغ والباجي كي نت .. اليوم بمرهم علي سالفه التامين الشامل لانه صج ضروري .. ومشكور اخوي علي حرصك ..
speed hunter : الله يبارك فيك اخوي ويحفظك انشالله وتكون معانا مو ورانا يالغالي ..


الحمدالله على كل حال
arthes غير متواجد حالياً  
رد مع اقتباس
Bimmer متميز
رقم العضوية: 1200
تاريخ التسجيل: Mar 2008
المشاركات: 155
قوة السمعة: 25
كيفي كويتي is on a distinguished road
افتراضي
7#
07-09-2009, 03:59 PM
لا يكون معطينك مالتي وبيعطوني المعروضة يسووويها علي فقيه ما استبعدها عنه

والـ750 محجوووزة مكتوب عليها بالعربي الفصييييح محجووووزة هذا الحجي أمس
كيفي كويتي غير متواجد حالياً  
رد مع اقتباس
Bimmer نشيط
رقم العضوية: 11638
تاريخ التسجيل: Sep 2009
الدولة: الكويت
المشاركات: 36
قوة السمعة: 0
arthes is on a distinguished road
افتراضي
8#
07-09-2009, 04:04 PM
لووول فقيه فلم .. لا مايسونها مثل ماقلت انت اهو ينقزنا ترى اللون هذا موجود منه بالمخزن .. وال 750 فيه منها 2 بالمخزن انا شايفهم


الحمدالله على كل حال
arthes غير متواجد حالياً  
رد مع اقتباس
Bimmer نشيط
رقم العضوية: 11638
تاريخ التسجيل: Sep 2009
الدولة: الكويت
المشاركات: 36
قوة السمعة: 0
arthes is on a distinguished road
افتراضي
9#
07-09-2009, 05:17 PM
والله يالربع اذا احد ينورنا على ممشى ال740 بالخط شلون ممشاه مريح والا تحس بموضوع الستة سلندر ..


الحمدالله على كل حال
arthes غير متواجد حالياً  
رد مع اقتباس
Bimmer متميز
رقم العضوية: 1200
تاريخ التسجيل: Mar 2008
المشاركات: 155
قوة السمعة: 25
كيفي كويتي is on a distinguished road
افتراضي
10#
07-09-2009, 09:38 PM
بو جاسم يالشيطان ناشبتهم على السعر اللي خذيته ما ينقالك شي بس زين تسوي الموتر حده 27 حرام فيه أكثر اذا المواصفات ناقصة جذي عن الـ750

وشكلي راح استلمها معاك باجر

يالربع شنو الفرق بين BMW Xenon وبين Dynamic Xenon سيارتي مكتوب على كشافها BMW Xenon بس الـ750 مكتوب على كشافها Dynamic Xenon

سألت البياع عنها يقول الداينامك يضوي اكثر بالعرض لكن المسافة بالطوول نفس الشي هل هذا اهو الفرق ولا في شي ثاني ؟ سألته عن الـadaptive lights ( الكشافات المتحركة مع الاستدارة ) وعلى كلامه يقول فيها هالخاصية ولا جان ذبحته والـcruise control مافيه رادار علشان يخفف من كيفه اذا صارت جدامك سيارة الـ750 فيها هالشي بس يلا شنسوي بعد انا حتى 27 مستخسر فيها اذا جذي فرق مواصفات بينها وبين الـ750 بس الشكوى لله .. بس خلووني اجربها شغلناها صوت التيربو عجيب
كيفي كويتي غير متواجد حالياً  
رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:35 PM.



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26