logo
ورشة اعضاء المنتدى تبادل وخبرات هنا توضع تجاربكم مع الورش ويعتبر هذا القسم مرجع ودليل للورش والتجارب والخبرات

:: الملاحظات ::
Like Tree1معجبون

موضوع مغلق
المواضيع المتشابهه
الموضوع

بوفيحان
Bimmer جديد
رقم العضوية: 31815
تاريخ التسجيل: Jun 2013
المشاركات: 11
الدولة: الظهران / السعودية
قوة السمعة: 0
بوفيحان is on a distinguished road
25-06-2013, 05:48 PM
  #1
بوفيحان غير متواجد حالياً  
افتراضي السيارة ماتدق سلف أحياناً bmw 740

:: اعلان ::


تعديل: حسيت موضوعي طويل ياجماعة حطيت إختصار سريع بأسفل الموضوع بالأحمر, إذا ماعندك وقت روح تحت طوالي الله يرضى عليك


السلام عليكم إخواني
في الحقيقة ترددت أكتب الموضوع وحاولت اقرا كثير وابحث عن مشكلة مشابهة لمشكلتي عشان اوفر عليكم لكني فعلاً طمعان بالخبرات اللي عندكم وخصوصا الأستاذ أبو وديع

بداية, تاريخ بسيط للسيارة قبل المشكلة
كان عندي دايما النتعة البسيطة في القير بين التبديلة الأولى والثانية, وقيل لي إنها طبيعية وأيضاً رفسة بسيطة إذا عشقت القير على ال D أو ال R أحس إنه يشبك بقوة, كثير قالوا لي لا توسوس وخلها تولي,, ف ماكانت معطلة شغلي والأمور سليمة

قبل فترة, السيارة كانت مع الوالد فترة, وبطلت تشتغل معاه, يدق سلف ماتشتغل معاه, يجرب يجرب يجرب لين تضبط معاه بأحد المرات.. وداها صيانة قالوا له كتاوت حاجة كذا, المهم غيروا له شي بالسيارة ورجعها لي

صارت لي المشكلة بعدها على طول بشهر, السيارة ماتشتغل, وموية الراديتر تنقص لما اجرب اكثر من مرة وانتظر شوي واجرب من جديد تشتغل طبيعي, وتستمر أحيانا كل مرة لازم اجرب اجرب لين تضبط وأحيانا تكون سليمة لمدة طويلة بعدين ترجع المشكلة
ومازالت موية الراديتر تنقص بشكل طبيعي ومو مبين تهريب

أحيانا لما ماتشتغل السيارة, افتح علبة مويةا لراديتر واعبيه شوي وارجع اشغل السيارة وتشتغل طبيعي مباشرة (مادري له علاقة أو لا, لكن فقط للذكر)

سافرت مرة لمدة اسبوعين وتركت السيارة ولما رجعت شغلتها اشتغلت طبيعي والمكيف زي الحلاوة مشيت فيها مشوار من المطار تقريباً 40 كيلو وهديت السرعة عند ساهر وطفت علي السيارة, هديت لين وقفتها عاليمين, فتحت الكبوت إلا صوت الموية تغلي حقت الراديتر, وبخار يطلع أو دخان الزبدة انها كانت حارة مرة, صبرت يمكن نص ساعة أو أكثر لين بردت السيارة شوي فتحت العلبة حقت الراديتر وطبعاً انفتحت بقوة من ضغط الهوا والحمدلله ماجاني شي, كانت الموية فاضية,, عبيت شوي فقط, قامت تغلي الموية وتطلع برا العلبة تطشر برا,, شافني البنشري قال إنتظر لا تحط موية لين تبرد السيارة أكثر, هذا راس المكينة محتر ومهما حطيت بيقعد يغلي, فعلاً إنتظرت وفي هالأثناء ماصارت تطشر موية فقط, تطشر موية وسائل غريب كأنه زيت أصفر أبيض كذا,, لين هدت السيارة وعبيتها, نصحني البنشري إني أروح عند راعي راديترات مباشرة يمكن تحتاج تصييخ راديتر وتغيير الموية كاملة ويمكن قاعدة تخلط من زيت القير

لاحظت حاجة ثانية أيضاً, اول ما اعشق السيارة دي وأدعس عليها شوي, فيه صوت كأن الكفر الخلفي يمين قاعد يحك بالسقف حقه, بالتبديلتين الأولى والثانية وبعدها يختفي صوت الحكة (ماهو صوت حكة حكة لكنه صوت كذا مرعب كأني مركب هدرز)

فعلاً رحت لراعي راديترات ونصحني اروح لواحد ثاني متخصص بالبي إم,, ورحت له وقال لي مبرد القير عندك جايب العيد وصاير يخلط الموية مع الزيت,, يحتاج له تغيير ضروري, اقدر اجيب لك اصلي من الوكالة بفاتورة ب 1615 ريال وشغل يد 400 ريال بغير لك الموية واركب القطعة, تأكدت من سعر القطعة طلع تمام قلت له إتكل على الله وضبطها

طبعاً أثناء هذي المدة, من بعد ماوصلت من السفر لين اليوم اللي وديتها فيه لراعي الراديترات يمكن ثلاث أيام, كانت السيارة أحيانا لما أهدي السرعة يفصل القير (يروح للوضع N ,أحيانا P وماعاد يعشق بعدها, أغيره للدي يرجع إن مرة ثانية ويعطيني مسجات عالشاشة راح اكتبها تحت) واضطر اطفيها واشغلها عشان يضبط من جديد ويرجع سليم!

بعد تغيير مبرد القير, اوكي, الموية نقصت باليوم الأول بسرعة وعبيتها وضبطت من جديد مافيه مشاكل
صارت تزيد عندي مشكلة إنه لما اسوق فيها مدة فوق النص ساعة أو الثلث ساعة وأهدي السرعة يفصل القير ولازم أطفيها واشغلها
لين وصلت مرحلة إني لما أطفيها واشغلها, بس تمشي معاي شوي ومع أول ضربة بريك أو تهدية للسرعة يفصل القير, صارت تطفش مع التقاطعات واللفات, في هذا اليوم قررت أوديها ورشة يمدحونها بالدمام (الخضرية) يقال لها المركز السوري.

طبعاً وديتها على سطحة ونزلتها عندهم, شغلوا السيارة وانتبهوا للمشكلة مباشرة وقالوا لي اتركها بنفحصها
السيارة انت حارة فتحوا علبة الراديتر يشيكون عالموية, طلعت الموية سودا (خالطة موية وزيت)
أول تشخيص قال هذا زيت القير إختلط مع الموية,,
فيه إحتمالين:
1- إن فقط زيت القير قاعد يطلع من القير و يختلط مع موية الراديتر وهالأمر هين
2- إن موية الراديتر قاعدة تطلع وتدخل للقير وتختلط معاه وهالأمر مصيبة للقير

قلت الله يستر شيك وعلمني

شيك وبعد يوم علمني قال الحمدلله القير ماجاه موية, بنشيك على مخ القير أو الحساسات ونرد لك خبر
إتصل بعدها بمدة بسيطة وقال لي جربت أغير لك مخ القير وضبط الموضوع, ف شكلها من مخ القير, اللي عندي مستعمل قيمته 3500 و500 ريال تركيب, قلت له إتكل على الله (ماعندي سيارة غيرها وماعندي وقت افكر) طالما ضبطت, عب لي زيت القير الناقص وغير لي موية الراديتر موية أصلية وبالمرة غير زيت المكينة لانه احترق حرق.

رحت وحاسبته واخذت السيارة وزي الحلاوة, انا توقعت لما اغير مخ القير مفروض إن الرفسات القديمة تختفي, لكنها ماختفت, قلت يمكن هذا عيب خلقي.. مشيت عليها لين البيت تقريباً نص ساعة ولما هديت عند البيت فصل القير, ف المشكلة مستمرة
قلت يمكن تضبط بكرة, بكرة كانت نفس المشكلة موجودة, كل ما اضرب بريك أو أهدي السرعة يفصل القير واضطر أطفي السيارة واشغلها

لو أطفي السيارة واشغلها وانتظر شوي قبل لا أعشق, يعني مثلاُ عشر ثواني, ترفض السيارة التعشيق

أقدر أعشق فقط مباشرة أول ما اشغل السيارة, لما الريس يرتفع فوق الواحد اعشق ويشبك القير شبكة قوية, ويعطيني التبديلة الأولى شبه تمام والثانية يالله يالله وبعدها يفصل , ف يعطيني تقريباً لين سرعة 60 أو 70 واضطر اخلي السيارة تدحدر أطول مسافة ممكنة قبل لا أطفيها واشغلها من جديد عشان اقطع المسافة.

وديت السيارة للورشة وأخذت معاهم ثلاث أيام تقريباً قبل لا يردوا لي خبر
إتصل علي اليوم وقال لي إنه الطنجرة وحاجة ثانية, إذا تعرف أحد برا السعودية تشوف لك قير, أو عندي لك قير بس يكلف ثمان الاف ريال ولا ودي عليك بالمصاريف.. وإذا حاب تجي تشوف الوضع قبل لا تبحث عن قير تعال..

فترة الأسبوعين الماضية كانت فترة صعبة جداً, ماعندي غير هالسيارة, أكثر الوقت استخدم تكاسي أو أروح مع أصحابي ف تنقلاتي صعبة ولا يمديني اروح وأجي واشيك واعمل.

أتمنى إنكم تقدرون تساعدوني إذا فهمتوا هالأعراض هل أتكل على الله وابحث عن قير ؟ او فيه أحد حصلت معاه مشاكل شبيهة وحلها بطريقة مختلفة ؟

الرسائل اللي كنت تظهر لي عند مشكلة القير:

كود:
Gear Position N only with engine on


When engine is off, gear position P is engaged automatically

Transmission failsafe, drive moderately


positions p r n d possible forward travel only in 3rd 5th gear
هل فيه ورش بالشرقية تعرفونها بتشخيصها الجيد ؟ لان المركز السوري على كثر ما أنا أثق فيهم لكن لما قال لي مخ القير وغيرته ب 4000 وطلع مو هو المشكلة أحس إني إنقرصت منهم وأحتاج تشخيص آخر للمشكلة قبل لا أتهور واشتري شي أغلي,, ولو إني جالس على بنك كان بعت السيارة وشريت غيرها لكن تكاليفها المبالغ فيها أو الغير ضرورية ودي أتجنبها قد ما أقدر.



اسئلتي مرة ثانية الله يرضى عليكم:
1- هل فيه إمكانية إن المشكلة ماهي قير ؟
2- إن كانت المشكلة قير, هل تتوقعون مخ القير القديم حقي سليم؟ والمشكلة في القير فقط يعني اخليه يرجع لي ال 3500 حقت القير ويحتفظ بال 500 حقت شغل اليد واجيب له قير ثاني ؟ أو إن مخ القير يجي مع القير كقطعة وحدة؟ كيف أعرف إذا مخ القير خربان أو لا, هل اقدر اشيك عليه بنفسي أو أقول له يوريني شي قدام عيني؟





المختصر:
1- السيارة جاتها فترة أدق سلف ماتشتغل, لازم اجرب أكثر من مرة لين تشتغل, المشكلة تختفي وتظهر من فترة لفترة.
2- السيارة خلطت زيت القير مع موية الراديتر وكانت تطفي فجأة والموية تغلي بشكل غريب, لون الزيت اللي يختلط هو أصفر فاتح. تم تغيير مبرد القير وإختفت هالمشكلة.
3- السيارة بعد قيادتها مدة بسيطة, مع أقرب ضربة بريك أو تهدية للسرعة تفصل القير عالـ N وترفض التعشيق وتعطي الرسائل الإنقليزية اللي ذكرتها فوق. اضطر اطفي السيارة واشغلها عشان تعشق من جديد لمدة بسيطة وتفصل من جديد. قيل لي أنه مخ القير, بدلته وماضبطت المشكلة, مازالت موجودة وقيل لي لازم تغير القير.
4- السيارة طول هذي المدة, أول ما أمشي عليها من وضع الوقوف, لين أوصل سرعة تقريبا 30/كم يطلع صوت من أسفل السيارة بالخلف كأن السيارة نازلة وقاعدة تحك عالكفرات. مع العلم بأنها غير نازلة ولكنه مجرد صوت مع رجة خفييييفة تختفي.


شاكر لكم إهتمامكم




التعديل الأخير تم بواسطة إبو محمد ; 23-10-2016 الساعة 10:46 PM سبب آخر: إختصار
Bimmer جديد
رقم العضوية: 31815
تاريخ التسجيل: Jun 2013
الدولة: الظهران / السعودية
المشاركات: 11
قوة السمعة: 0
بوفيحان is on a distinguished road
افتراضي رد: السيارة ماتدق سلف أحيانا والقير صار يفصل 2003 740
2#
25-06-2013, 06:35 PM
بشارة بسيطة, إتصلت على صاحب الورشة اسأله عن مخ القير القديم حقي, قال لي لا تخاف, بنرجع لك مخ القير القديم ونرجع فلوسه, المشكلة شكلها بالقير نفسه
بوفيحان غير متواجد حالياً  
الصورة الرمزية jamalBMW
Bimmer نشيط جداً
رقم العضوية: 31779
تاريخ التسجيل: Jun 2013
المشاركات: 50
قوة السمعة: 10
jamalBMW is on a distinguished road
افتراضي رد: السيارة ماتدق سلف أحيانا والقير صار يفصل 2003 740
3#
25-06-2013, 09:03 PM
هلا أخوي بو فيحان
والله ياليت اني اقدر اخدمك واعلمك بالحل أنا تو مبتدئ مع البي إم
والله يستر من هالمشاكل
لكن والله العالم من خلال قصتك ان مخ القير الأساسي الأول مافيه شي والدليل
انك لمن غيرت واحد ثاني نفس المشكلة ماتغيرت
عندك الإخوان بالمنتدى راح يفيدونك ان شاااء الله
والله يعينك
jamalBMW غير متواجد حالياً  
Bimmer جديد
رقم العضوية: 31815
تاريخ التسجيل: Jun 2013
الدولة: الظهران / السعودية
المشاركات: 11
قوة السمعة: 0
بوفيحان is on a distinguished road
افتراضي رد: السيارة ماتدق سلف أحيانا والقير صار يفصل 2003 740
4#
26-06-2013, 12:19 AM
رحت لهم اليوم وقال لي التالي:

1- ممكن نرجع لك المخ القديم عادي, بس القير الكلتشات حقته منعدمة, ورانياها وفعلاً متآكلة, والطنجرة يقول خربانة يبي لها تغيير, سعر الطنجرة لوحدها بالوكالة تقريباً ست آلاف

قال لي إنه مخ القير القديم فيه رفسات مع التبديلات, وفعلاً كانت موجودة وقال بما إننا بنغير طنجرة وبنغير كلتشات وزيت وفلتر ومش عارف إيش, يتغير القير كامل أحسن, عنده واحد مستعمل نظيف ب 8 آلاف, من ضمنها طنجرة اللي ممكن سعرها مستعملة 4 آلاف ومن ضمنها مخ قير حق نفس القير الجديد اللي قيمته بلحاله تقريباً 4 آلاف

أو نوضب القير نفسه وبيكلف تقريباً 13 الف
أو اشوف لي قير من الإمارات أو الكويت واجيبه له يركبه

الشور ياخوان! شكلي بشتري القير بشتريه, بس هل ال8 معقولة ولا بحصل فرق كبير بالإمارات أو الكويت ؟
بوفيحان غير متواجد حالياً  
الصورة الرمزية ابومها
مشرف سابق
رقم العضوية: 14469
تاريخ التسجيل: Mar 2010
العمر: 31
الدولة: الرياض
المشاركات: 2,551
قوة السمعة: 275
ابومها has much to be proud ofابومها has much to be proud ofابومها has much to be proud ofابومها has much to be proud ofابومها has much to be proud ofابومها has much to be proud ofابومها has much to be proud ofابومها has much to be proud ofابومها has much to be proud of
افتراضي رد: السيارة ماتدق سلف أحيانا والقير صار يفصل 2003 740
5#
26-06-2013, 08:41 AM
المهم تتاكد ان القير نظيف انا اشوف سعره مناسب 8الاف بس خوفك انه مو نظيف او فيه مشكله اول لازم واحد عنده ذمه يفيدك من اصحاب الورش وشوف الامارات لو فيه احد من الاخوان هنا من الامارات ياليت يفيدك
ابومها غير متواجد حالياً  
الصورة الرمزية jamalBMW
Bimmer نشيط جداً
رقم العضوية: 31779
تاريخ التسجيل: Jun 2013
المشاركات: 50
قوة السمعة: 10
jamalBMW is on a distinguished road
افتراضي رد: السيارة ماتدق سلف أحيانا والقير صار يفصل 2003 740
6#
26-06-2013, 09:18 AM
الله يعينك والله اني سرت أخااف لمن أشووف هالمشااكل
الله لا يجيب المشااكل
jamalBMW غير متواجد حالياً  
Bimmer جديد
رقم العضوية: 31815
تاريخ التسجيل: Jun 2013
الدولة: الظهران / السعودية
المشاركات: 11
قوة السمعة: 0
بوفيحان is on a distinguished road
افتراضي رد: السيارة ماتدق سلف أحيانا والقير صار يفصل 2003 740
7#
26-06-2013, 10:31 AM
هههههههههه هلا اخوي جمال
والله بيني وبينك الموضوع كان إهمال مني, يعني المشاكل والمؤشرات كانت معاي من مدة, وتطلع أحيانا وتختفي واطنشها, وموضوع الفصلة هذي حقت القير كان يجيني ويروح ولا فكرت أشخصه, لين وقفت السيارة ماعاد تمشي, هنا اضطر اصلحها.
ماكنت أدري إن فيه شي إسمه مبرد قير, وإن فيه فلتر زيت قير يتغير, وكنت عند البنشري إذا عبيت زيت أقول له شيك لي زيت القير وينصب علي النصاب يقول زيت القير تمام وهو مايدري اصلا من وين يعايره وانا كنت اصدق لاني ماكنت ادري من وين


أبو مها, توني كلمت ورشة إسمها السري بالإمارات, وعطوني رقم شخص إسمه سمير حق قطع غيار بي إم, سألته عن القير قال ممكن تحصل سعره بالسوق 6500 او 7000 درهم

اللي هي تقريباً 7150 ريال,,

تحس الفرق يستاهل إني أشحن السيارة للإمارات عشان يصلحونها؟ ولا إني أصلحها هنا عالأقل لو صار مشكلة ولا شي أقدر ارجع لنفس الشخص, قريب عندي.. ؟؟

إلا إذا كان فيه محلات فيها أسعار القيور ارخص على 5000 وتحت ,, هنا يتغير الكلام
بوفيحان غير متواجد حالياً  
الصورة الرمزية jamalBMW
Bimmer نشيط جداً
رقم العضوية: 31779
تاريخ التسجيل: Jun 2013
المشاركات: 50
قوة السمعة: 10
jamalBMW is on a distinguished road
افتراضي رد: السيارة ماتدق سلف أحيانا والقير صار يفصل 2003 740
8#
26-06-2013, 10:42 AM
اذا قررت تشحن السيارة على دبي
بلغني على الخاص
في شركة تشحن سيارات من دبي على السعودية واكيد انها ترجع فاضية
اسمها خط الخليج للشحن البري
انا شاحن سيارتي من دبي للرياض بـ 1000 ريال فقط
يمكن الرجعة تكون بـ 500 ريال سواء من الدمام او الرياض
jamalBMW غير متواجد حالياً  
Bimmer جديد
رقم العضوية: 31815
تاريخ التسجيل: Jun 2013
الدولة: الظهران / السعودية
المشاركات: 11
قوة السمعة: 0
بوفيحان is on a distinguished road
افتراضي رد: السيارة ماتدق سلف أحيانا والقير صار يفصل 2003 740
9#
26-06-2013, 12:06 PM
اقتباس:
المشاركة الأصلية كتبت بواسطة jamalBMW مشاهدة المشاركة
اذا قررت تشحن السيارة على دبي
بلغني على الخاص
في شركة تشحن سيارات من دبي على السعودية واكيد انها ترجع فاضية
اسمها خط الخليج للشحن البري
انا شاحن سيارتي من دبي للرياض بـ 1000 ريال فقط
يمكن الرجعة تكون بـ 500 ريال سواء من الدمام او الرياض
هلا اخوي جمال
إذا كان الشحن بيكلف 1500 تقريباً وسعر القير هناك ارخص شي ب 6500 ويمكن مع التركيب وشوية بهارات يزيد شوي ف بتطلع التكلفة 8000 اللي هي نفس التكلفة حقت القير من هنا
ماتسوى العناء حقيقة, وأفضّل إنه يكون صاحب القير قريب عندي عشان لو ركبته وطلع فيه مشاكل أتله مع إذنه من قريب, يدي ماتوصل للإمارات :ntntr:
بوفيحان غير متواجد حالياً  
A̷B̷O̷ A̷B̷D̷A̷L̷L̷H̷
رقم العضوية: 31178
تاريخ التسجيل: May 2013
الدولة: المنطقة الشرقيه
المشاركات: 172
قوة السمعة: 22
bmw@w will become famous soon enough
افتراضي رد: السيارة ماتدق سلف أحيانا والقير صار يفصل 2003 740
10#
26-06-2013, 12:17 PM
لا تستعجل ارسلي رقمك لاهنت
bmw@w غير متواجد حالياً  
موضوع مغلق

مواقع النشر (المفضلة)

الكلمات الدلالية (Tags)
2003, ماتدق, أحيانا, المركز, الجمال, الخبر, السيارة, الشرقية, السوري, بي ام دبليو, يفصل, والقير

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:10 PM.



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26