logo
المنتدى العام المواضيع العامه التي ليس لها مجال في الأقسام الأخرى

:: الملاحظات ::
إضافة رد
المواضيع المتشابهه
الموضوع

فروسي2
Bimmer جديد
رقم العضوية: 1483
تاريخ التسجيل: Mar 2008
المشاركات: 5
قوة السمعة: 0
فروسي2 is on a distinguished road
23-03-2008, 02:10 AM
  #1
فروسي2 غير متواجد حالياً  
الصيف قرب وهذه طريقة صيانة المكيف حق السيارة بالتفصيل

:: اعلان ::

عندي يوكن قبل أسبوع بهذلني مكيفه يطلع هواء حار

فحصت عليه لقيت الفريون ناقص عبيته فريون نوع R12 أصطوانته بيضاء بـــ 40 ريال

المهم برد يومين بعدها صار تبريده خفيف إذا وقفت مافيه بروده وإذا مشيت

برد شويه وديته كهربائي قلتله على علة الموتر قال يبيلك تنظيف دائرة التبريد

وتنظيف الثلاجة تحت الدرج الأمامي وتغير فلتر مثل القلم لونه أبيض وسعره بــ 20 ريال

يركب داخل ماصورة الجاية من الثلاجة والمنتجه لراديتر المكيف وتغيير أصطوانة الفريون

الي تجي فوق الكفر الأيمن وقيمتها 200 ريال وشغل اليد 200 ريال بعد حب الخشوم

طالعت فيه شلته وحطيته بعيني ومسوي نفسي غبي على الآخر

وين يجي الفلتر ؟

وين مسامير الثلاجة الي بداخل الكبوت ؟

أخذت منه معلومات عن ماذا يريد أن يفعل بالضبط وأخذت فكرة

بعدها ناظرت فيه قلت تعرف تنقز هيا أقلب وجهك على صفحة 20 ههههههه

المهم رحت وشريت الفلتر بـ 20 ريال

وشريت بنزين بـ 5 ريال

وأخذت زيت كمبرسر في علبة مويه صحة أم نص ريال وعبيتها من ورشة تبريد بـ 5 ريال

شغلي كله على الـ 5 فرحان بالـ 5% حقت الزيادة هههههههههههه

ورحت للبنشر الي جنب البيت عشان أستخدم لي الهواء للتنفيخ والتنظيف

المهم أول شئ فكيت الماصورة الي جاية من الثلاجة ورايحة للراديتر

وطلعت الفلتر القديم زي القلم ولقيته مقفل مرررررة من الوساخة

وبعدين فكيت الأصطوانة حقت الفريون الي فوق الكفر الأيمن وطلعتها برى

وقمت بتنظيفها بالبنزين وطلع منها شئ ياساتر طيييييين من الأوساخ ولازم تعيد التنظيف

أكثر من مرة حتى يخرج لك البنزين نظيف مع رجها عند التعبئة

بعدها فكيت الثلاجة من تحت الدرج الأمامي 3 مسامير للديكور بعدها يجيك غطاء أسود

به 6 مسامير تفكها يجيك رديتر صغير حق الثلاجة له رأس خارج من بودي السيارة للكبوت

به مسمارين كبيرين تفكهما من داخل الكبوت بعدها تخرج الثلاجة وتجد بها أسفنجة زي الفلتر

تغطي الثلاجة زي الأسفنجة الي تجي في مكيف البيت

ملاحظة نقوم بتغطية الفتحات الي في الثلاجة حتى لا يدخل الماء بها أثناء التنظيف فتخرب من الصدأ

بقطع قماش أو أسفنج قوي قليلاً ونقوم بغسلها بالماء والصابون راح تشوف أوساخ طييييييين مرررررة

وهذه الأوساخ هيه التي تمنع هواء المروحة من أختراق الثلاجة وخروج الهواء البارد للغمارة داخل السيارة

بعدها نقوم بتنفيخها بلي الهواء حق البنشر لتجفيفها من الماء وتكون نظيفة ثم نضعها جانباً

ونعود لمواصير الفريون الأتية من الرديتر والداخلة للكمبرسر بعد فكها طبعاً وتغطية فتحات الكمبرسر

ونقوم بتعبيتها بالبنزين فقط المواصير بعدها نقوم بنفخها بلي الهواء لكي تخرج الأوساخ من المواصير

كل ماصورة نعبيها بنزين وننفخها بالهواء وهكذا لبقية المواصير

بعد كذا نعيد الثلاجة مكانها ونتأكد من ربط المسامير كما فعلنا سابقاً في فكها

ونرجع للكبوت ونرجع المواصير زي ماكانت وراح تحتاج لثلاث جلد سوداء أفضلها الألماني

الجلدة بــ 5 ريال والصيني الجلدة بريالين وهذه الجلد 2 تركب على المواصير الراكبة على الثلاجة

وجلدة تركب بين ماصورتين واحدة جاية من الثلاجة والثانية رايحة للراديتر وبينهما الفلتر ألبيض الجديد

ثم نقوم بتعبئة أصطوانة الفريون بزيت الكمبرسر تقريباً ثلاثة أرباع العلبة الصغيرة حقت المويةالصحة أم نص ريال

ونعيد أصطوانة الفريون لمكانها ونشد مساميرها مظبوط

بعدها نطبق الكبوت ونتجه لأقرب محل تعبئة فريون ونعبي فريون نوع R134 صيني دبته لونها أزرق بــ 40 ريال

وهذا هو الموجود بالسوق والمنتشر ويؤدي الغرض وخفيف على الكمبرسر لأن كثافته أقل

و تبريده أحسن من الفريون R12

وبعد تعبئة الفريون خله يشيك لك على المواصير إذا به تنسيم بالماء والفيري عنده

لكن إذا كان شغلك عدل ومضبوط ماراح يجي تنسيم بإذن الله

صدقوني يا أخوان يوم أشغل المكيف تقول ثلاجات التبريد حقت المراعي ههههههههه

ثلللللللللللللللللللللللللج على أخف درجة

وسلامتكم



رد مع اقتباس
الصورة الرمزية Bimmer
Bimmer ذهبي
رقم العضوية: 105
تاريخ التسجيل: Oct 2007
الدولة: Saudi arabia
المشاركات: 1,241
قوة السمعة: 139
Bimmer is a glorious beacon of lightBimmer is a glorious beacon of lightBimmer is a glorious beacon of lightBimmer is a glorious beacon of lightBimmer is a glorious beacon of light
افتراضي
2#
23-03-2008, 02:37 AM
هلا والله اخوي فروسي
ياخي تبي الجد ماشاء الله عليك نفسك طويل
بس حلوة تنقز الرجال بعد ماقال لك كل
شي تلقاه الحين يقول والله هزا نفر مشكل
شيل كله معلومه بلاش بعدين يكتب
في منتدى بعدين 2 شهر انا سفر
عاد اهم شي انك صلحت المكيف بعد هذا التعب
بس انتبه من المراعي ترا يقولون سهمها عليه تصريف خخخخخ
حياك الله حبيبي وعلى العموم في موضوع في ورشة البي ام
عن نصب الورش تبي تلقى فيه مثل مواضيعك
على هالرابطين
http://www.gulfbmw.com/vb/showthread.php?t=1560
http://www.gulfbmw.com/vb/showthread.php?t=1800
شف انواع النصب
تحياتي لك

Bimmer غير متواجد حالياً  
رد مع اقتباس
Bimmer جديد
رقم العضوية: 1483
تاريخ التسجيل: Mar 2008
المشاركات: 5
قوة السمعة: 0
فروسي2 is on a distinguished road
افتراضي
3#
23-03-2008, 02:43 AM
هههههههههههههههه

أشكرك مشرفنا الغالي على المرور العسل يا عسل
فروسي2 غير متواجد حالياً  
رد مع اقتباس
Bimmer جديد
رقم العضوية: 1483
تاريخ التسجيل: Mar 2008
المشاركات: 5
قوة السمعة: 0
فروسي2 is on a distinguished road
افتراضي
4#
23-03-2008, 03:03 AM

على طاري النصب كان معي مرسيدس بنز

خربت عندي المروحة حقت التبريد والسيارة ترتفع حرارتها

قالي روح جيب مروحة من التشليح

رحت أدور تقريباً ساعة حتى لقيتها المهم رجعت للورشة صاحبها تركي الجنسية

ركبنا المروحة وشغلنا السيارة الا هي تطفي تشتغل دقيقة وتطفي

قلت أش فيها السيارة يابو الشباب قال مدري أشيكلك عليها

قعد يحوس ويدوس حول البواجي المهم قال عندك الكويل خربان يبي تغير

قلت يا أخي أنا جايك بالسيارة زي الحلاوة مافيها شئ والحين تشتغل وتطفي

قال والله مادري نصااااااااب

قال شوف عندي كويل قديم بركبه بدل حقك وأشوف المهم جاب الكويل من عنده بداخل الورشة

مسكته لقيته حااار دافي شوي قلت حبيبي هذا حار قال لالا المخزن عليه شمس

ركبنا الكويل القديم أشتغلت السيارة زي الحلاوة قال حق التصليح 100 ريال والكويل المستعمل 50 ريال بس

عشان خاطرك من متى المعرفه ,,,,, الحرامي النصاب فاك الكويل حقي ومركب كويل خربان

ويبي يضحك علي قلت أوكي بجرب السيارة المهم ركبت سيارتي قلت له يا حرامي مافيه ولا ريال

وتبي تبلغ الشرطة هذا رقم اللوحة خذه وبلغ قل لهم فيه واحد سرقني وراح

وأحمد ربك أني ما توطيت في بطنك يا حرامي

والسالفة لها 5 سنوات ولا من شاف ولا من دري

فنصيحة أنتبهوا من العمالة في الورش تراهم نصابين وخلك واقف على شغله بالسيارة

لا يسرق شئ منها
فروسي2 غير متواجد حالياً  
رد مع اقتباس
Bimmer جديد
رقم العضوية: 1483
تاريخ التسجيل: Mar 2008
المشاركات: 5
قوة السمعة: 0
فروسي2 is on a distinguished road
افتراضي
5#
25-03-2008, 11:23 AM
يررررررررررررفع
فروسي2 غير متواجد حالياً  
رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:40 AM.



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26